Aleanca për Mbrojtjen e Teatrit: Gëzuar ditëlindjen, Mond Budina!

Historia ka treguar se njerëzit e mëdhenj të një kombi janë në ballë të betejave, janë aty në zemër të dhimbjes, në mes të stuhisë. Janë mes njerëzve, janë me mençurinë e tyre, janë me dashurinë e tyre.

Në ballë të betejës për liri si atëherë kur këpuste zinxhirët e totalitarizmit, në ballë të betejës edhe tani kur vë shpatullat në konsolidimin e demokracisë; është një artist, një qytetar i Shqipërisë dhe i tërë botës, babaxhani me buzëqeshjen e mirë, me shikimin e menduar, me përqafimin e ngrohtë, me thjeshtësinë dhe humanizmin, Edmond Budina.