Sharl Bodler: Të dehur gjithnjë të jemi!

Përktheu Nonda Varfi

 

Të dehur gjithnjë të jemi

Kështu duhet

E duhet vërtet

Për të mos ndjerë

Të rëndën barrë të kohës

Që shpinën na vret

E përtokë na shtrin

Të dehemi duhet papushim

Por me çfarë?

Me verë, poezi a me virtut si zemra do

Por dehuni

Dhe ndonjëherë

Në shkallët e pallatit

Në të trishtën vetmi të dhomës

Zgjoheni

Kur dehja pakuar a zhdukur është

Pyesni

Valën

Orën

Zogun

Gjithçka që ikën

Gjithçka që shpirt jep

Gjithçka që ravgon

Gjithçka që këndon

Gjithçka që flet

Sa është ora?

Dhe era

Vala

Ylli

Zogu

Ora

Do thonë

Koha për t’u dehur erdhi

Që skllevër të mos jemi

Të kohës martire

Dehuni

Dehuni papushim

Me verë, poezi, dashuri a virtut

Si enda jua ka.