Kënga himn për bluzat e bardha me personazhe të njohur të artit

Homazh

“Kënga e mjekut”, Anida Take dhe Agim Prodani 1963

Me mirënjohje shpirti për bluzat e bardha, mjekët, infermierët, farmacistët, punonjësit sanitarë, që sot janë në front, në përballjen e përmasave historike të jetës me vdekjen, në dhurimin e frymës e shpresës gjer në vetmohim. Na kërkohet të qëndrojmë brenda, ku kemi para syve çdo çast të shtrenjtët tanë, të kursyer nga orët dramatike të betejave për jetën në spitale, sepse heronjtë e bëjnë për ne.
“Të duam se shpresat dhe ëndrrat na mbron, ti na rikthen lumturinë”!
Përjetësisht mirënjohje!
Si bijë mjekeje e di se ç’formë ka sakrifica e tyre, e pakrahasueshme, e madhërishme, me jetën e secilit prej nesh që e mbrojnë ndër gishta duarsh të adhurueshme.
Kurajo Heronj! 🙏🙏🙏
Kreditet për këngën e sjellë në version kohërash të pangjashme shkojnë për Kujtim Prodanin, Ervin Xhixhon, Saimir Çilin e të gjithë kolegët e artistët, që dinë të të përkundin shpirt e zemër me vokacionin e tyre🙏❤️
#mebluzatebardha