Ismail Xhaferi: DASHURITË E VRARA

Për gjithë dashuritë e vrara,

Shpesh hedh vargje nëpër letër,

Dhembin dashuri të tilla,

Siç të dhemb një plagë e vjetër.

 

Dhembin dashuritë e vrara,

Dhe na japin shumë trishtim,

Sepse vriten para kohe,

S’di askush t’i japë shpegim.

 

Dhembin dashuritë e vrara,

Dhembin dje, dhembin dhe sot,

Siç të dhemb një krah kur thyhet,

Siç të dhemb një pikëz lot.

 

Dashuritë që vdesin befas,

Asnjëherë nuk kthehem pas,

Nuk çel lulja e bajames,

Kur e than bora në mars.

 

Dashuritë që vdesin herët,

Ta bëjnë shpirtin si dëborë,

Dhe nëpër udhët e jetës,

Rrinë si plagë në kraharor.

 

Për gjithë dashuritë e vrara,

Unë hedh vargje përmbi letër,

Dhembin dashuri të tilla,

Siç të dhemb një plagë e vjetër.