INSTALIMI I NJË DIKTATURE

Nga prof.ing. av. Sazan GURI

1. Kur u pushtua Vjena nga nazizmi, intelektualët vjenezë bën sehir;
2. Kur, ati ynë në tokë, nuk foli për situatën reale të pandemisë në janar e shkurt, ju menduat se nuk ka covid meqënëse nuk e tha ai;
3. Kur, ati ynë në tokë, foli për situatën, jo reale të pandemisë në prill, e sidomos në Maj, ju menduat se ka covid, meqënëse e tha ai, dhe o burra me maska e doreza që s’kane pikë vlere, madje ju shtojnë mundësinë e prekjes edhe për shkak se e besoni.
4. Kur, ati ynë në tokë, shtoi me të drejt sipas ligjit të fatkeqësisë natyrore 30 ditë, por mbasi na kishte marrë 15 ditë, ju nuk u ndjetë, edhe kur ja u shpjeguam, sepse e tha ai, dhe situata zgjati deri më 23 prill, ok po e quajmë!
5. Kur, ati ynë në tokë, shton pa të drejt 60 ditë (që i përkasin një situate tjetër si ajo e jashtzakonshme, e cila është e pashpallur), kur ligji e përmbante shtesën më pak se 30 ditë, ju nuk u ndjetë, edhe kur ja u shpjeguam, sepse e tha ai.
6. Dhe situata është kjo që jemi sot! 105 ditë të bllokuara, ku hiq muajin Mars që e meritonte se ishim në bisht të gripit covid, po muaji Pill, po ta falim, po muajin Maj, me diellra e me dete e me plazhe hajt se po e shtyjmë, po muajin qershor mor vllezër pse t’ja falim?

Dhe e dini pse? Që qytetarët brenda mos të shohin se ç’bën qeveriu me batakçiun jashtë!?

Çfarë?

1. Hec-e në ndërtim në kohë rekord (Zall Gjocaj)?!
2. Grabitje uji i pijshëm në Lumas të Beratit, ku firma punon dhe banorët të mbrojnë jetën e tyre s’lejohen të shkojnë?!
3. Ndërtime te kodra e diellit 2, ku dikush kërkon se ku janë ambientalistët, nuk pyet sesi kjo diktaturë vendos pa banorët, por e hedh fajin gjetkë?!
4. Prishja e teatrit, nuk është rastësi përshpejtimi si hajduti në mes të natrës, në ditë diele me thyerje pa fund ligjesh e rregullash?!
5. Ndërtimi i hecit në Picar, (Kurvelesh), pikërisht te zemra e atyre që i kanë dhënë votën, ku këta batakcinjë i marrin ujin e pijshëm 5000 banorëve që nuk ja morri, as turku, e as serbi kur kalonte me pushtime atypare.
6. Prerje e grabitje hektarësh me pyje, ne Skrapar, Leskovik, Përmet, ku bëhet nami, sot, dhe askush s’ka mundësinë t’i gjurmojë. Hajde shikoni, më thonë, po ku të vete?!
7. Ndërtime të papara në Porto Romano, ndotje deti, vajra në kanale, ku i kam premtuar se do vijë menjehere, ndaj shtyhet situata deri më 23 qershor që kur të vemi të shohim veprën e ndërtuar, jo dëmin e tretur pas dhe ato të jenë të përfunduara.
8. Ndërtim të një karburanti në plazhin lungo mare në Vlorë, ku banorët presin, hë sot hë neser edhe SG, por si do të vete? Jo se do i shpëtojë, po mbase ndreqim një mendim si të adresohemi, ku dhe kush?

Dhe pa fund ndërtime të tilla në kohë rekord, pa konsultime me publikun, me ata që e vuajnë dëmin. Imagjino kur për të gjitha këto nuk lejohen mediat të shkojnë e të flasin nga vendi i krimit ose të pyesin duke parë vetë provat në vend, si rasti në Lumas të Beratit që media ndalohet të shkojë.

Tani pa bërë e prekur haterqejfe, a na thoni dot se si quhet kjo situatë?

1. A jemi në vendosje të një diktature?
2. A duhet të shqetësohemi për covidin që nuk ekziston apo për instalimin e veprave makabre të pista (si hajduti që ndan paratë natën), së bashku me diktaturën?.
3. Na ndihmoni se mund ta kemi gabim. Referohuni nenit 1 këtu më sipër.