Vargje poetike për dashurinë nga Fluturak Gërmenji

FRYN ERË

 

Një fund prilli me erëra

në breg të detit

i rrëmbeu flokët e tu të verdha,

përzier me vargjet e poetit.

 

Fryn era, fryn me tallaze

Ti karshi meje-gjithmonë me

naze.

 

-Më do?-Të dua shumë…

Një pyetje e një përgjigje

e vjetër,

 

mes erërave rri si lule e brishtë

dhe detin e bën të gjelbër,

dhe ty të bën të brishtë!

Prill 1992.

 

DASHURIA

 

..bëhem yll e hyj në re…

Yll mund të bëhesh në qiellin

me re

por, jo mua ti dot s’më ikën

pranë teje si yll dhe mua më ke,

një dashuri të dyve na e jep

dritën.

 

Nëse do ikësh, unë bëhem diell

e nëpër re vij e të ndjek,

se nuk e mban asnjë qiell

zemrën time kaq të nxehtë!…

 

Maj 1992.