Thirrje për bashkim, partive politike shqiptare në Malin e Zi

Koalicioni i Organizatave Shqiptaro Amerikane nga Mali i Zi

Për dijeni të:

Alternativa Shqiptare- ASH
Forca E Re Demokratike- Forca
Levizja Qytetare Perspektiva- LQP
Lidhja Demokratike ne Mal te Zi- LDMZ
Lidhja Demokratike Shqiptare- LDSH
Partia Demokratike- PD
Partia Qendrore Shqiptare per Integrime- PQSHI Unioni Demokratik i Shqiptar- UDSH
Unioni i Tuzit- UT

Te Nderuar Udheheqes te Partive Politike Shqiptare ne Mal te Zi,

Ne përfaqësuesit e Koalicionit te Organizatave te Komunitetit Shqiptar ne Amerike me prejardhje nga Mali i Zi, jemi të vetëdijshëm për gjendjen politike, ekonomike dhe sociale të shqiptareve në Mal të Zi, me përgjegjësi për të tashmen dhe të ardhmen, me vendosmëri për të bashkuar të gjitha forcat intelektuale, akademike dhe shoqërore brenda dhe jashtë vendit për të avancuar pozitën e shqiptarëve; ne frymën e respektit dhe bashkëjetesës fetare dhe zotimin për mbrojtjen e dinjitetit dhe personalitetit njerëzor; duke besuar se bashkimi i faktorit politik shqiptar do të kontriboje në përmirësimin e gjendjes së shqiptarëve në këto treva; me e bindjen e thellë se përgjegjësia kombëtare dhe bashkëpunimi jane vlera të paçmueshme për avancimin e të drejtave tona si popull autokton ne keto troje:

I bëjmë thirrje të gjithë spektrit politik shqiptar të mbështesë dhe miratojë një platformë dhe një listë të vetme bashkëpunimi me qëllimin final atë të unifikimit dhe përfaqësimit të përbashkët në zgjedhjet e përgjithshme të 30 gushtit.

Ne po percjellim me shqetësim të thellë zhvillimet e fundit politike dhe sjelljen e disa subjekteve politike shqiptare, të cilat edhe njëherë po dëshmojnë se interesat e ngushta personale qëndrojnë mbi vullnetin e popullit shqiptar. Keto subjekte politike po abuzojnë sërish me mbështetjen e sinqertë të elektoratit shqiptar, duke zhvlerësuar interesat

kombëtare, duke kompromentuar vullnetin e këtij elektorati dhe duke i mohuar zgjedhësit shqiptar votimim e nje liste të unifikuar zgjedhore, e cila do të maksimizoje votën shqiptare dhe do të forcoje zërin e shqiptarëve në Kuvendin e Malit te Zi.

Sidoqoftë, kësaj radhe, përgjegjësi të veçantë do të mbajnë partitë politike dhe udheheqesia e tyre që do të pengojnë procesin e bashkimit të shqiptarëve në një listë të vetme. Tani është koha për t’u sjellë si një faktor i vetëm politik sepse rezultati i ketyre zgjedhjeve do të kete rendesi themelore dhe historike për përmirësimin e gjendjes së shqiptarëve në Mal të Zi ne planin afatgjatë.

Ndaj ne u bëjme thirrje të gjitha partive politike shqiptare dhe udheheqesive te tyre për të garuar me një listë dhe program të vetëm në zgjedhjet e ardhshme, duke lënë mënjanë çdo interes partiak, ose përfitim personal.

Ne vlerësojmë përpjekjet e deritanishme te shtetit shqiptar për bashkimin e faktoreve politike dhe inkurajojme vazhdimin e ndermjetesimit te tyre per nje liste te vetme.

Ne do të reagojme fuqishëm kundër çdo pengese për lidhjen e marrëveshjes gjithëpërfshirëse të subjekteve politike shqiptare që do te zgjedhin një rrugë tjetër, ndërkaq, ata do të mbajnë përgjegjësi kombëtare, ashtu sikurse edhe publike.

Këto zgjedhje kanë një peshë historike ndaj secila parti politike dhe udheheqesia e tyre duhet të shfaqë gatishmërinë për bashkëpunim, vetëdije kombëtare dhe përgjegjësinë e nevojshme para shqiptareve. Çdo alternativë tjetër do të tregojë qartazi se kushdo që nuk i bashkohet listës së përbashkët, nuk ka asnjë lidhje as me shqetësimet e përditshme të shqiptarëve në Mal të Zi, as me mbrojtjen e interesave kombetare.

Nese ju beni detyren tuaj si te zgjedhur te popullit, atehere ne do te bejme detyren tone me ndikimin qe kemi, t’ju mbeshtesim si Nje Liste të Vetme!

Ju falenderojme sinqerisht per konsideraten.

E derguar me respekt nga,
Mark Gjonaj, NYC Councilmember
Albanian American Association Ulqini Albanian American Community Association Albanian American Cultural Foundation
Don Gjon Buzuku Association- Chicago
Don Gjon Buzuku Association- New York Fondacioni Don Simon Filipaj
Fondacioni Lukaj
Fondacioni Plave Guci
Illyrian Business Organization- IBO
Shoqata Ana e Malit
Shoqata Atdhetare Malesia e Madhe- Michigan Shoqata Koja Association
Shoqata Kraja
Shoqata Malesia e Madhe- New York
Trieshi Humanitarian Fund

Please follow and like us: