Dorëhiqet gjyqtari i Gjykatës së Apelit Alaudin Malaj

Ka dhënë dorëheqjen nga detyra gjyqtari i Gjykatës së Apelit në Tiranë, Alaudin Malaj.

Përmes shkresës drejtuar kryetares së KLGJ-së, Naureda Llagami, Malaj thotë se jep dorëheqjen për shkak të një marrëdhënie tjetër pune, e cila siç sqaron Malaj nis më 1 gusht 2020.

Në letrën e dorëheqjes Malaj shpjegon se ka punuar pranë sistemit të drejtësisë qysh prej vitit 1993, duke shërbyer në disa gjykata të vendit, ku kulmi i karrirës së tij, ka qënë drejtimi i Gjykatës së Apelit Tiranë.