Avdush Canaj: RA YLLI

Ylli i poezisë…
i mrekullisë.

Fiku në vaj tha:
Ndoshta po bën shaka!
Nuk e besoj,
duhet të jetë lojë!

U trishtuan valët,
delfinët, koralët…
një det i tërë!

Diellit i pikuan
lotët në rërë!

Foli pylli
atë mëngjes,
aty, ngat,
ku zogjtë kanë shtëpitë:

S`vdes xhaxhi Rifat!
Kurrë s`vdes!
Mes vargjesh
ylli ndrit!

—————
Nga libri Porta e këngës, Shtëpia Botuese Faik Konica, Prishtinë, 2017.