Bledar Koçi: JANIS RICOS

Ti germëzove se pa pranga nuk vinte liria.

Pa qelitë e mykura që harbonin me vdekjen.

Ti e dije…

Se pa një togë pushkatimi ballë Aleksit,

s’do lindnin poema..

( Ah, Aleksi këpucë shqyer

me njërën lidhëse hequr zvarrë )…

Ç’krenari rrënqethëse Poet!

Mëhallat e botës përkundnin djepe heronjsh

teksa ngjyenin mjerimin netëve në një sofër me hënën.

Buçimat çanin dheun.

E të vrarët tundnin flámujt

e fitoreve që s’gëzuan kurrë.

Liri dhe paqe.

Kaq doje Poet.

Mëhallat e botës vajtojnë..

Mbi vargjet groposur.

Pranë teje përjetë.

 – 2018 –