Gjeneral AHMETAJ: ‘Dekreti i Greqisë për zgjerimin me 12 milje, dështim i frikshëm i Sulltan Surrelit’!

Në respekt të mijëra mesazheve mbas dekretit të Athinës zyrtare për zgjerimin nga 6 në 12 milje në detin Jon dhe pa mundësi t’iu përgjigjem “emër për emër”, po paraqes një përmbledhje të shqetësimeve strategjike të publikuara 6 muajt e fundit, mbi këtë çështje të nxehtë!

Së pari, si njëri nga ju, por me statusin e një eksperti në peshimin e interesave gjeopolitike të RSH, i bashkohem revoltës mbarëkombëtare ndaj dështimit të frikshëm të Qeverisë, në fakt ndaj SulltanSurrelit, pasi besoj se: “të gjithë ne, përveeç S. Ballës & B. Haxhiut, e dimë që në 7 e kusur vjet, RSH s’ka as Ministra, as zv/Ministra, as Ambasadorë, as negociatorë, por vetëm ai, udhëheqësi i gjithëditur dhe i gjithëpushteshëm”.

Së dyti, e ndjej përgjegjësi të qartësoj 6 arsyet madhore të dështimit të frikshëm të Qeverise ndaj interesave detare të RSH në detin Jon, por/dhe jo vetëm:

1. Fatekeqësisht, Qeverisa Shqiptare ka “vulosur me sukses dështimin” për t’i zgjidhur mosmarrëveshjet në detin Jon nëpërmjet negiciatave dypalëshe, ndërsa pala greke e ka “legjitimuar me dekret sovranitetin detar në 12 milje”. Kështu, as Kryeministri sotëm, as Ai/Ajo, mbas Tij, (jo me grupet teknike) nuk mundet të negociojnë, sovranitetin territorial (detar), pa çfuqizuar dekretin në fjalë. Edhe më thjeshtë, e ngjashme me ligjin e luftës “mbetur ashtu si një reminishencë” por që ka fuqi/impakt mbi interesat e shqiptarëve, pronat e qytetarëve të Çamërisë, fesë bektashiane, etj por nuk mundet të ndryshohet pa vendimarrje proporcionale (dekret të posacëm)!

2. Vetëm për shkak të Kryeministrit, Republika (#joSulltanata!) e Shqipërisë është e kërcënuar seriozisht në mos e kapitulluar edhe në proçesin drejt Gjykatave Ndërkombëtare, ose e thenë më qartë, RSH kërcënon të humbasë hapësira detare me interesa kritike ekonomike në detin Jon. Dhe dihet, se Greqia zotëron ekspertizë nga më të mirat në botë për të drejtën detare, ndërsa ne, ndërsa “sidomos fb dhe llogje kafenesh”, kemi me bollëk “patriotë folklorikë dhe bollshevikë”, por nuk kemi shtetarë të përgjegjshëm, ekpertizë të ndriçuar dhe negociatorë të aftë për t’u përballur dhe mbrojtur interesat kombëtare në institucione apo gjykatat ndërkombëtare!

3. Përqasja shtetërore, si e “Sulltanit të Madhërishëm”, mungesa e transparencës në bisedime (sikur negociohej për bunkerin e Surrelit apo skulpturat e babait); mos-reagimi i institucioneve të larta shtetërore për heqjen pa ligj të bazës detare ushtarake të Sarandës (ndërkohë që shteti fqinj planizon rritje të prezencës ushtarake); shpërdorimi i mavro-negiciatorëve apo propagandës mediatike (Po/Jo) për ta devijuar te detajet, kompasi, ngjyrat e detit, emocionet e nacionalistëve të rrjedhur se: “s’ka ndodhur asgjë për t’u shqetësuar, pasi si çdo vend, Greqia është në të drejtën sovrane për zgjerimin me 12 milje, etj”, të padenja për një vend anëtar të NATO-s si dhe kandidat (që mbas drekës së krokodilit, udhëheqësi sukseshëm nga 3 i bëri 18 kushte) për udhëtimin drejt BE-së!

4. Riciklimi cinik te kali i betejës politike rreth marrëveshjes së 2009 (e cila nuk ekziston më, pasi në 2010 është rrëzuar nga Gjykata Kushtetuese) dhe përqasja enveriste për të gjetur armiq (aty ku s’ka naftë), por jo zgjidhje e gjej si përpjekje mjerane dhe dëshpëruese, por dhe si një faktor thelbësor të dështimit të turpshëm të “Udhëheqësit të Lavdishëm”, jo vetëm në këtë rast!

5. Besoj nuk po themi ndonjë sekret, por RSH nuk zotëron kapacitete të afta për të ushtruar autoritetin e plotë shtetëror, për të mbrojtur apo dhe ndaluar shfrytëzimin e paligjshëm të pasurive kombëtare në hapërisat e saj detare, ende pa u zgjidhur me marrëveshje apo nga gjykatat ndërkombëtare?!

6. Ndërsa, përtej impakteve ndaj interesave të RSH të sipërcituara, përqasjen e meençur (sigurisht edhe dinake), përgjegjshmërinë e lartë ndaj interesave kombëtare, si dhe masave shtetërore të mirë-orkestruara diplomatike, shtetërore, mediatike dhe institucionale të vendit fqinjë, e peshuar në kontekstin e gjeopolitikës mesdhetare, adresimin (mbas dekretit/faktit të kryer) në Gjykatën Ndërkombëtare, si dhe insinuatat e medias greke për “grupin e ishujve të Jonit Verior”, i gjej si një fitore historike për interesat e Greqisë, pasi zgjerimi në 12 milje, e bashkëlidhur me marrëveshjet me Italinë & Egjyptin, mundet të shihen si realizim i një ambicie shekullore & si përmbushjen e objektivit të SSK të Greqisë në 38 vitet e fundit!

Thënë sa më lartë, si dhe në 6 opinonet bashkëlidhur, nuk pretendoj të privatizoj të vërtetën e fundit, por vetëm të kontriboj me kapacitetin e një ekperti me edukim dhe 25 vjet ekperiencë për negociatat gjatë/pas anëtarësimit në NATO-s si dhe peshimin e interesave kombëtare.

Please follow and like us: