Poezia e Zagajewskit vjen në shqip nga Bardhyl Londo

 

 

ADAM ZAGAJEWSKI: 27 JANAR

 

27 janari është Dita e Kujtesës së Viktimave të Holokaustit, por dhe datëlindja e Moxartit.

 

Ditë e ftohtë. Një qiell dimri. Frymë e bardhë.

Këtë të premte nuk dimë

çfarë të festojmë dhe për çfarë të mbajmë zi:

është dita e përkujtimit të Holokaustit

dhe datëlindja e Moxartit.

Kujtesa jonë është e përhumbur.

Imagjinata jonë e ka humbur orientimin.

Qirinjtë në pezulin e dritares vajtojnë

(na kanë kërkuar të ndezim qirinj),

por muzika njerëzore e djaloshit Moxart

vjen tek ne nga altoparlantët, rokoko,

epoka e parukeve të argjenda vjen dhe jo flokët

e thinjura të Aushvicit që ne kemi njohur,

epoka e kostumeve, jo nudizmi,

shpresa, jo dëshpërimi,

Kujtesa jonë është e përhumbur,

imagjinata jonë përhumbet në mendime.