Sadik Bejko: Rend ta kap jetën

Asnjëherë s’e arrij jetën time.

m’i shpërthen kocka e deje.

bëj ta kap në njërin breg,

e shoh në tjetrin para meje.

Me vrap s’e arrij dot jetën time.

Një ujk i egër jam, bari kopeje,

sa i shoh delet te ky breg,

marrin hov në tjetrin, tej meje.

Një kokër rëre lartohet breg

ma ngre kurthin verbër.

Rrëzuar në sy kam barin

e arrij … në ditën tjetër.

Si erën hov ta rrok fort jetën.

Në zarf më vjen hënë e sëmurë

dhëmbët shtrëngoj, shpatullat,

ura jam, jeta lumë e lumë.

Luftoj ta rrok jetën

dhe zgjuar, dhe në fjetje.

Në bregun tej ajo ka rendur

gjithmonë përpara meje./albspirit.com