Ndahet nga jeta ish-bosi i firmës piramidale “Gjallica”, Fitim Kërxhalliu

Ish-bosi i firmës piramidale “Gjallica” Fitim Kërxhalliu ka ndërruar jetë në moshën 70-vjeçare. Të shtunën ai u përcoll nga familjarët e tij për banesën e fundit. Kërxhalliu do të mbahet mend për krijimin e firmës “Gjallica”  e cila gjatë vitit 1996 mblodhi  rreth 332 milion dollarë nga afro 70 mijë shqiptarë dhe më pas shpalli falimentin. Rënia e kësaj firme dhe disa firmave të tjera të konsideruar si skema piramidale, sollën trazira të mëdha sociale në Shqipëri, duke e çuar vendin drejt falimentimit në vitin 1997. Kërxhalliu u dënua me 11 vite burg dhe pas daljes jetoi në Tiranë. Bashkë me largimin e tij nga kjo jetë Fitim Gërxhalliu ka marrë me vete edhe shumë ngjarje që lidhen me një nga periudhat më të errëta të historisë së Shqipërisë.