Sadik Bejko: Sytë e grave të gurit

Me shkëlqim të zi, nën tis të trishtuar

Ato sy të ftohtë grash dhe merrnin butësi,

ngroheshin me një ndritim mjegullimi

të shiut pikuar drite në diellin e gurit të zi.

Sy–pikël e çatisë në një mollëz shiu

me dritë të ngridhtë prej pylli vjeshtak

rrëzuar nga mali ndër mjegulla; syth

i gurit të zi, sumbull shi e qiell në qark;

pikëllim rrëmb hollë i shkruar në gur

vetmim qëndisme uji e parrëzuar kurrë,

inxhi e zezë ngulur nën vetullën hark

e në qepallë gruaje të bukur. Vetëm kaq.

Palumturi djegaguri sythuar në vjeshtë,

syth shiu a mbase lotë, avuj të nxehtë?/albspirit.com