Freemasonët grekë ku bën pjesë edhe një shqiptar i njohur

Në mendjet e shumë njerëzve, vendet e takimit të masonerisë shpesh shoqërohen me komplote dhe tubime të fshehta në vende të pazbuluara, ose të patregueshme.

Në një përpjekje për të mbajtur ritmin me ndryshimin e kohës nëpërmjet mediave sociale dhe informacionit të shpejtë në internet, Lozha e Madhe e Greqisë, në cepat e Acharnon dhe Sourmeli në qendër të Athinës, hapi dyert e saj për herë të parë, duke postuar foto nga ndërtesa e saj e brendshme në faqet e saj të mediave sociale.

Lozha e parë masonike në Greqi, e quajtur ‘Beneficenza’, u themelua në ishullin e Korfuzit në 1782 gjatë okupimit të saj Venecian. Me kalimin e viteve, Freemasoneria Greke u përhap në ishujt e tjerë të Jonit, dhe siç pretendojnë anëtarët e Lozhës Greke në faqen e tyre të internetit, ata luajtën një rol qendror në kryengritjen e popullit grek kundër Perandorisë Osmane.

Disa nga emrat e listuar si Freemasonë janë Paleon Patron Germanos (një nga figurat kryesore klerike në lëvizjen e pavarësisë), Patriarku Ekumenik Gregory V, Theodore Kollokotronis (i njohur nga shumica si kreu ushtarak i kryengritjes kundër pushtimit osman, me origjinë shqiptare), Alexander Ypsilantis dhe Ioannis Kapodistrias (babai i sistemit aktual politik të Zvicrës). Lozha e mori emrin e saj aktual në vitin 1936.