Ali Daci: Serbizimi i boshnjakëve dhe shqiptarëve nga ‘profesorët’ islamikë
Ali Daci me presidentin Klinton
Serbizimi i boshnjakëve dhe shqiptarëve më i pranueshëm për disa pseudo intelektualë, se sa kthimi i tyre në rrënjët e të parëve. Një plejadë pseudo intelektualësh nga Pazari i Ri, të frustruar nga politika serbomadhe, assesi nuk po mund të pajtohet më gjendjen reale në Sanxhak. Kjo antipati dhe anti-shqiptarizëm nuk e ka zanafillën e vet të re, por të vjetër, të zënë fill në kuzhinat e politikës diskriminuese në Beograd. Servimi dhe distribuimi i politikës antishqiptare në Sanxhak, fatkeqësisht ka gjetur klientelën e vet tek një numër jo i vogël profesorësh boshnjakë, të cilët edhe janë infektuar nga ky virus dhe jetëgjatësinë e tyre e kanë shekullore. Assesi nuk po gjindet një vaksinë kundër asimilimit të shqiptarëve të Sanxhakut. I gjithë arsenali asimilues i kishës provosllave dhe Akademisë së Shkencave Serbe, është zbrazur në Sanxhak dhe ka korrur aq sukses, sa që as projektuesit e vet as e kishin imagjinuar. Këto institucione serbe me programet famoze (famëzeza) kundër shqiptarëve, kudo qofshin ata, ka gjetëurmbështetje të madhe te disa profesorë të cilët u edukuan në frymën pan-sllaviste. Kjo politikë diskriminuese është zbatuar e po zbatohet përmes këtyre “efendive” ekstremistë islamistë e të vetë shpallur akademikë, por që nuk janë asgjë tjetër përpos kontigjent i dresuar nga Akademia serbe e Beogradit. Shqiptarët, por edhe Boshnjakët në Sanxhak janë të rrezikuar direkt nga këta serbofilë, që fatkeqësisht kanë ushtruar e po ushtrojnë, dhunë psikologjike mbi popullin e kësaj krahine. Duke parë rezultatet asimiluese në Sanxhak, e që janë tejet shqetësuese, edhe sjelljet e këtyre maniakëve nuk janë befasuese. Krijimi i një projekti anti-shqiptar, nga Akademia e Serbisë, me emrin “Qylahi (plisi) i gjelbër” më propagandën pan-sllavistë “Shqiptarizimi i Boshnjakëve”, është kulmi i idiotizmit serb e që po jetësohet në përpikëri nga disa politikanë, klerikë islamikë, por edhe nga profesorët pan-sllavist të nacionalitet boshnjak. U pa qartë se politika shoviniste serbe ka “punësuar” një numër të konsiderueshëm “intelektualësh” në Sanxhak, të cilët detyrë mbi detyra kanë serbizimin e shqiptarëve dhe boshnjakëve në Sanxhak. Pra, të jemi të qartë se serbizimi i shqiptarëve dhe boshnjakëve në Sanxhak është një projekt, e që duhet të aplikohet domosdoshmërisht nga serbët dhe shërbëtorët e tyre. Kjo fushatë nuk do koment kur të shohim edhe lëvizjen e re të politikave të caktuara edhe në Mal të Zi, ku parashihet të formohet edhe një etnitet i ri më emrin tejet tendencioz “Myslimanët malazezë”. Pra, ata kanë qëllim të caktuar, rritjen e numrit të malazezëve në këtë shtet pasi rrezikohen nga numri i madh i etnitetit serb në Mal të Zi. Edhe Serbia i do “myslimanet serbë”. E gjithë kjo trysni po zhvillohet mbi shqiptarët dhe boshnjakët, me qëllim që në regjistrimin e ardhshëm, qytetarëve t’u imponohet deklarimi nacional e jo deklarimi i tyre. Ata mund të regjistrohen çka të duan, vetëm shqiptarë jo. Kjo është poenta e kësaj politike serbe që po zbatohet nga hyzmeqarët më devotshmëri në Sanxhak./albspirit.com
