Bledar Koçi: TRE YJE, TRE FRASHËRLLINJ

Rrëzë Kokojkës thosh një nënëz

Një ninullë për tre kërthinj,

T’i lartojë me një këngëz

Tre të mençur frashërllinj.

…

Ç’i rrëmbeu stuhi e marrë,

E trishtoi Dangëllinë…

Kur tre yje mërgimtarë

Hoqën udhët për Janinë.

Pendëngjyer diell e lotë,

Ja, Naim’ i vegjëlisë.

Një Abdyl shkëlqen mbi botë

Nëpër mall të Shqipërisë.

Dritëmbytur fle Stambolli

Njëqind vjet që ndrin e nxin

Njëmijë zjarre qiellit mblodhi

Prapë s’ka dritë… pa Shemsedin.

…

Feks Kokojka në tre yje

Udhët mori në mërgim,

Ndizen netësh male, pyje,

Nga tre burra frashërllinj.

* Shemsedin ~ Sami Frashëri

Please follow and like us: