Gjergji Mihallari: Marsi në park

Shëtita këtë natë,

ku hëna coptohej krahëve të malit

me borë,

mes hijeve të veremosura të pemëve…

Ishte e ftohtë nata,

yjet të ftohtë gjithashtu,

s’e di pse hapi kaq shumë rëndohej

në të patreturën borë…

Kisha ftohtë,

jakën e palltos ngrita përmbi veshë,

frymoja me avuj të ngrirë,

përzjerë me renë e cigares…

Kisha ftohtë,

dimri ishte akoma pranë,

mbi sy qëndron iluzioni

tretur larg…