Avdush Canaj: NGA DRITARJA E REVE

Nga dritarja e reve

Lulet i pashë si pulla të ylberit

Detin si pasqyrë e Borbardhës

Pyllin si piktura me lisa

Arat si fletore me katrorë bari

Lumi vijë e kaltër stilografi

Kur zbrita me ashensorin e plepit

Lulet më falën aromën

Deti më ftoi te bregu

Pylli më fali freskinë

Arat më bënë zog të kaltërsive

Lumi më mori për dore

Deri te dera e vjershës./albspirit.com