Ekrem Ajruli: JETË POETI

Jetë poeti ngarkuar me brenga

Flakë digjet jashtë prush digjet brenda

Botë banditeske e egër mizore

Kudo të ndjekin helmshikime djallëzore

Ah, botë grykëçorape kjo e zezë botë

Shpirtin ta djeg sedrën ta ndot

Ku të gjej qetësi a s’më thoni vallë

Lukuni çakejsh të sillen vërdallë

Kafshime bishash netëve pagjumë

Thumbime tinëzare godasin dallgëlumë

Mendime të zymta mendime të brishta

Ëndrra vrastare mallëngjime të trishta

Si ta qetsoj shpirtin si të ruaj kujtesën

Në buzë poeteshe kam lidhur shpresën

Pres me muaj të pranverës mëngjese

Siç pret trëndafili t’cemtën pikë-vese

Sterrëmendime vijnë si re pendë-sorre

Dhe nuk marrin fund këto brenga mizore

Për mungesën tënde ora s’është matës

Është dihatja ime dhe tundimet e natës.