Dalin në ankand poezitë e rralla

Një bibliotekë “e humbur” e letërsisë britanike, duke përfshirë dorëshkrime të poezive të rralla nga Emily Bronte dhe vepra të Robert Burns, do të dalë në ankand në Sotheby’s. Përmbajtja e Bibliotekës, e cila është rishfaqur pas gati 100 vjet errësirë, do të dalë në shitje në tre ankande të veçanta. Poezitë e Emily pritet të arrijnë diku midis 800,000 dhe 1,2 milionë. Një botim i parë i romanit të saj të famshëm ‘Wuthering Heights” mund të arrijë mes 200,000 dhe 300,000 £.  Një kopje familjare e Brontës e Historisë së Zogjve Britanikë të Beëick – referuar shumë mirë në faqet e para të Jane Eyre nga motra e Emily Charlotte – mund të shkojë për mes 30,000 – 50,000, sugjerojnë vlerësimet. Emily Brontë ishte kryesisht e panjohur si shkrimtare gjatë jetës së saj, por shkroi historinë e saj pasionante të dashurisë Wuthering Heights në 1847 para se të vdiste nga tuberkulozi një vit më vonë. Publiku do të ketë shansin të shohë dorëshkrimet e saj në ekspozitat në Londër, Edinburg dhe Nju Jork. Biblioteka përfshin gjithashtu një përmbledhje me poezi, shënime, letra personale dhe ide të bashkuara nga bard skocezi Robert Burns, kur ai ishte një 24-vjeçar i panjohur.