Sabina Darova: Vintage 2021

 

 

Të shtëna

Të hënë, të martë, të djelë…

Aromë baruti i freskët

Në rrugët e zhuritura të verës, apo endacak

Mbi gotën e alkoolit bareve në udhëkryq.

I  pamëshirshëm djeg dielli

Mbi lëkurën e mëkatit.

Veshur lëkurë gjarpri hakmarrja.

Kjo, përkund në pelena burrërinë e paburrë

Që ngul në ngujim orën e fëmijës së parritur.

 

Të shtëna natën, ditën,

Goma llastiku shpërndajnë erë gjakosur

që  ndjek gjurmët e ujkut

që fshihet malit, në kasollen e bariut.

Blegërin tufa e trembur

Baloshi urdhëron të urtësohen

Çmënduria e vrasësit zhduk dhe fijen e barit.

 

Buzë detit Jon

Një turist fërkon sytë

Për çudinë e faturës së kripur!