Oana Anca Mihaela Glasu: AFËR REVE

E di, e di mirë sa shumë ke dashur të më mbash.

Çfarë mrekullie të mundesh të më shtrëngosh në gjoksin tënd,

për të më ngjitur në lartësitë e virgjëra të kreshtave,

ato të shikojnë plot turp dhe zili hullinë e gjinjve të mi

mbi të cilat bien ylberet vargje,

për të vallëzuar atje lart ku mund të dëgjohet vetëm zilja e kambanave në re.

Përtej shpateve të maleve, shumë larg, nesër do të jetë e enjte,

një e enjte e zakonshme për botën dhe një kohë pa gjethe për ne.

Në një vend të lartë,

një vend kaq të lartë për të bërë dashuri…