Ersekistët dhunojnë kishën e Shën Marisë në Vodicë

Dhunohet kisha e Shën Marisë në fshatin Vodicë të Kolonjës.

Sipas punonjësve persona të papërgjegjshëm kanë hapur një gropë mbi 6 metra të thellë dhe 1 metër të gjerë tek pagëzimorja e kësaj kishe.

Burime nga Vizion Plus thanë se e gjithë kjo vjen pasi persona ende të paidentifikuar kërkojnë thesare në themelet e kësaj kishe.

Kjo nuk është hera e parë që dhunohen objektet e kultit në Ersekë.

Sipas informacioneve nga policia, kanë nisur hetimet për zbardhjen e ngjarjes në bashkëpunim me prokurorinë e rrethit gjyqësor Korçë.