Republikanët dorëzojnë rezolutë në Kongres kundër Presidentit Biden

Republikanët kryesorë në Dhomën e Përfaqësuesve të SHBA kanë paraqitur një rezolutë që dënon atë që ata e quajtën Presidenti Joe Biden “dështimi për të dëgjuar këshillat e këshilltarëve ushtarakë dhe të inteligjencës në lidhje me shpejtësinë dhe natyrën e ofensivës talebane”.

Masa nuk ka gjasa të kalojë në dhomën e kontrolluar nga Demokratët, por demonstron shtytjen e kundërshtarëve të Bidenit për ta bërë tërheqjen e Afganistanit politikisht të kushtueshme për presidentin.

Rezoluta mbështetet nga republikanët më të fuqishëm në Dhomën e përfaqësuesve.

Rezoluta mbërrinë në një periudhë të vështirë për Presidentin Biden, që po kritikohet nga të gjitha anët për strategjinë e tërheqjes nga Afganistani. Republikanët nga ana tjetër thonë se SHBA nuk duhet të lerë asnjë bashkëpunëtor të saj në Afganistan dhe operacioni i evakuimeve duhet të zgjatet përtej 31 gushtit nëse do të jetë e nevojshme.