Arqile Garo: KUR VAR?!

 

Kur var leshrat tatëpjetë,

kur var rrobat në një tel,

kur var teshat në sepet.

Kur var? Ngel!

 

Kur var veshët nga mërzia,

kur var mishin në çengel,

kur var hundën nga rakia.

Kur var? Ngel!

 

Kur var këmbët tek samari,

kur var lafshën porsi gjel,

kur var kokën si gomari.

Kur var? Ngel!

 

Kur var trutë se të vjen gjumë,

kur var synë se dielli çel,

kur var grepin përmbi lumë.

Kur var? Ngel!

 

Kur var hejbet mbi një degë

kur var thikën përmbi bel,

kur var thëngjillin që djeg.

Kur var? Ngel!

 

Kur var mendjen nëpër shqotë,

kur var problemin se s’del,

kur var rrotën mbi një rrotë.

Kur var? Ngel!

Gusht 2021.