Reciprociteti me targat, SHBA thirrje Kosovës e Serbisë: Zvogëloni tensionet menjëherë, pa vonesa!

Ambasada e SHBA i ka bërë thirrje Kosovës e Serbisë të zvogëlojnë tensione menjëherë pas reciprocitetit me targat. Qeveria e Kosovës vendosi që të mos lejojë më asnjë mjet të futet në territor duke qarkulluar me targa serbe, por të zëvendësuara me ‘RKS’. SHBA ashtu si BE kërkon përmbajtje, veprime të mëtejshme dhe zvogëlim të tensioneve.

STATUSI NGA AMBASADA E SHBA NË KOSOVË

Ne i bashkohemi Bashkimit Evropian duke i bërë thirrje Kosovës dhe Serbisë që të ushtrojnë përmbajtje, të përmbahen nga veprimet e mëtejshme të njëanshme dhe të zvogëlojnë tensionet menjëherë, pa vonesë.