Ka edhe më keq se karakonspiracionistët, kryeministri përgjonte ish-gruan

Sheiku i Dubait dhe kryeministri i Emirateve të Bashkuara Arabe Mohammed bin Rashid al-Maktoum spiunuan në mënyrë të paligjshme ish-gruan Haya dhe pesë ndihmësit e princeshës, duke përdorur softuerin e diskutueshëm Nso Pegasus për të përgjuar thirrjet dhe mesazhet në telefonat e tyre. Kjo u sanksionua nga një gjyqtar i Gjykatës së Lartë të Londrës, shkruan BBC.

Gjyqtari Sir Andreë McFarlane, në një vendim të 5 majit të botuar sot, tha se agjentët që i shërbenin Sheikut spiunuan Haya-n pasi ish -çifti ishte i përfshirë në një betejë ligjore në Londër mbi të ardhmen e dy fëmijëve të tyre. Ndër ata që u dëgjuan në mënyrë të paligjshme ishte një nga avokatet e princeshës, Fiona Shackleton, një anëtare e Dhomës së Lordëve, e cila u paralajmërua për veprimin e hakerimit nga Cherie Blair, gruaja e ish -kryeministrit britanik Tony Blair, e cila punon për ‘Nso Group, një kompani izraelite.

Midis korrikut dhe gushtit 2020, spiunët sulmuan telefonin e Haya-s 11 herë, me miratimin e Sheikut. Vendimi flet për “abuzim të paligjshëm të pushtetit” dhe për një sasi të madhe informacioni të vjedhur nga njerëz të prekur nga hakerët. Al-Maktoum ka hedhur poshtë të gjitha akuzat, kujton BBC.

Ai tha se gjetjet e gjykatës bazoheshin në prova që nuk i ishin zbuluar dhe se ato ishin “bërë në një mënyrë që ishte e padrejtë”.