“Visar Kuçi Trio“ nis turneun europian për promovimin e albumit të tyre “Departures“
Më datën 16 Tetor 2021, “Visar Kuçi Trio“ fillon turneun europian për promovimin e albumit të tyre të fundit të titulluar “Departures“ i cili u publikua ne Dhjetor te vitit 2020. Dy stacionet e para të turneut, në Këln dhe Vjenë, u realizuan falë bashkëpunimit të dy shoqatave kulturore ndër më aktivet në diasporë, KÂ nga Vjena dhe URACult nga Këln. Këto shoqata qe disa vite kanë kontribuar në promovimin e vlerave artistike me aktivitete të ndryshme si: koncerte, shfaqje teatrale, ekspozita, mbrëmje letrare etj. Promovuesit e kulturës nga Kölni dhe Vjena ishin mu ata të cilët para dy vitesh sollën në Vjenë dhe Köln edhe “Rona Nishliu Quartett“. Në të njëjtën skenë ku u prezentua “Rona Nishliu Quartet“, në Altes Pfandhaus në Köln, adresë kjo ku vazhdimisht prezentohen yje botërore të Jazz-it do të prezentohet edhe “Visar Kuci Trio“. Koncerti fillon në orën 20.00. Edhe teatri i mirënjohur vjenez “Das Vindobona” si adresë e rëndësishme kulturore, ofron skenën e duhur për një prezentim para dashamirëve vjenez të Jazz-it. Në po këtë vend ishte prezentuar edhe “Rona Nishliu Quartet” para dy vitesh. Koncerti në Vjenë mbahet me datën 18 Tetor dhe fillon nga ora 19.00. Datat e ardhshme të turneut janë shtyrë për vitin 2022 për arsye të rrethanave të shkaktuara nga pandemia.
https://www.facebook.com/watch/?v=855089278581470