Bledi Mane: Drejtori i televizionit, ky hajduti që u arrestua mbrëmë është shtetas amerikan

Metamorfoza ka pasur një kurbë të çuditshme te ky mutacioni që shikoni në foto. Nga një komunist idealist province, tentoi të konvertohej në hamshor metropoli por jo vetëm që dështoi por edhe iu prangos fati i mbetur…

Thoma Gëllçi quhet drejtori i përgjithshëm i koorporatës më të madhe mediatike kombëtare RTSh i arrestuar mbrëmë për korrupsion madhor. Institucioni që paguhet me lekët tona çdo muaj, u drejtua 5 vite rresht nga ky mysybeti që e nisi karrierën si poet gardhesh në fshatrat e Kolonjës dhe falë dorës së ngrohtë të Partisë Komuniste erdhi gazetar në Tiranë, më pas kryeredaktor dhe kulmi arriti kur nga zëdhënës i kryeministrit Bashkim Fino e zëdhënës i kryeministrit Fatos Nano u katapultua drejtor komunikimi i kryeministrit Ilir Meta.

Mandej 11 vjet emigrant në Amerikë e pasi fiton nënshtetësinë amerikane dora e ngrohtë e partisë nuk e la të lante pjatat te restoranti meksikan në Michigan por e risolli në Tiranë duke e katapultuar përsëri, kësaj here drejtor të RTSH-së.

I dashuruar në moshë delikate të madhe, i harbuar nga liria e tepruar e shpërdorimit të lekëve tona, ra viktimë e boshllëqeve që i munguan gjithë jetës dhe tentoi ti plotësonte në pleqëri. Në kulmin e karrierës braktisi shtëpi e katandi në Amerikë dhe iu përkushtua vjedhjes dhe dashnores në Tiranë ndërsa që nga mbrëmë e kanë braktisur të gjithë që nga partia, shtëpia, qeveria dhe dashuria.

Ndërkohë që vuan në bodrumet e qelive mos e lini vetëm, çojani me pranga aty edhe Edi Ramën. Edvinin që nuk la kodosh province me mutacione pa bërë drejtor, këta drejtorë që ofendojnë edhe vjedhjet, edhe kurvëllikun në administratë.

Është ulëritëse të mendosh se edhe vjedhjet edhe kurvëllëkun e kanë pa stil, pa shije, pa estetikë, pa klas. 30 vjet tranzicion ende bien në dashuri dhe ende shpërdorojnë financat publike me sekretaret e tyre. Dhe pastaj dëshpërohemi pse Bashkimi Evropian nuk ia hap negociatat Shqipërisë!