Altin Sh. Kajtazi: FJALË HËNORE

 

Kushtuar xhaxhait, Fazli Kajtazi

Hapat s’ti dëgjoj rreth e rrotull

kollën tënde gjer tek s’di ku

fjala t’mbet dëlirësi atje n’shpat

si eter mbi qiellin

rrudhat preken n’tokën shkëmborë përjetësisht!

 

Shumë fjalë të mbetën ndër dhëmbë

dhe një këngë që kurrë s’ma këndove

ulur jam aty prozhëm

ku rrezet e diellit shpojnë hollësisht

këta dy sy!

 

Ju endeni në dritë

secili pushon n’qetësinë e vet!

 

Lisi angërr po nxjerrë uturimë

u egërsua që më s’të sheh

krejt çka duhet mendja më thotë

Dielli, hëna qiellor janë

në frymë valëvitmi këtej!

 

 

19.10.2021.