Bardhyl Londo: Baladë

E di që shumë vajza më deshën

ca provokuese, ca të heshtura pa zë,

po unë në jetën prej gjysmëmurgu

prej tyre desha vetëm një.

Nuk e di ku janë, s’e di çfarë bëjnë

çarçafi i bardhë herë-herë s’i nxë.

Po unë nën çarçaf shtrihem me kujtimet

dhe e kuptoj që vend tjetër s’ka më.

Tani që hapat e vdekjes i ndjej si afrohen

të heshtura, të zeza një nga një.

Ndonjëra ndonjë lot do derdhë fshehtaz,

vetëm njëra do të qajë me zë.