Senati miraton emërimin e Jeff Flake për ambasador të ri të SHBA-së në Turqi

Senati amerikan miratoi emërimin e ish-kongresmenit republikan, Jeff Flake, si ambasador të ri të SHBA-së në Turqi.

Flake u propozua për postin e ambasadorit të SHBA-së në Ankara në mes të korrikut nga presidenti Joe Biden dhe do të zëvendësojë ambasadorin në ikje David Satterfield.

Flake ishte aleati kryesor republikan i Bidenit gjatë garës së vitit të kaluar për Shtëpinë e Bardhë dhe mbështeti kandidatin e atëhershëm demokrat, pasi doli si një republikan që kishte qenë prej kohësh në mosmarrëveshje me ish-presidentin e SHBA-së, Donald Trump.

Ambasadori i sapoemëruar Flake ishte anëtar i Komitetit të Senatit për Marrëdhëniet me Jashtë gjatë shërbimit të tij gati dy dekadash në Kongresin e SHBA-së./AA