“Shqipëria do të rrojë”, deputeti Kamberi reciton himnin e flamurit në Parlamentin serb

Deputeti shqiptar në Parlamentin e Serbisë, Shaip Kamberi, ka kënduar sot himnin e flamurit mes deputetëve serb. Teksa po mbante një fjalim ku theksoi se angazhimi i tij për simbolet kombëtare nuk do të ndalej kurrë, ai citoi disa nga vargjet e himnit të flamurit.

“Se Zoti vetë e tha me gojë/Që kombe shuhen përmbi dhe/Po Shqipëria do të rrojë/ Për të, për të luftojmë ne!”, ishin vargjet e zgjedhura nga ai për t’u recituar.

Po ashtu në nisje të fjalimit të tij ai përdori sërish një fjalë shqipe, pasi i përshendeti të gjithë duke u thënë “Mirëdita”.

Edhe pse i rrethuar me deputetë serbë, sërish në fund fund të fjalimit u rezervua një duartrokitje për të./tvklan.al