Elta Milori: Marrëdhëniet njerëzore dhe dashuria e Dostojevskit!

“Në rrugën ku jeton ti, jetojnë nëntë gra më të bukura se ti, shtatë të tjera më të gjata se ti dhe nëntë me të shkurtra se ti. Është edhe një tjetër që më dashuron më shumë sesa ti.

Në punë është një grua që më buzëqesh gjithmonë, një tjetër më nxit të bisedoj me të, ndërkohë që kamarierja ma ëmbëlson çajin me mjaltë në vend të sheqerit. E megjithatë, unë të dua vetëm ty”.

Kështu Dostojevski i shkruante të dashurës së tij, Maries.

Pasi u martuan, Maria manifestoi një përkushtim të rrallë ndaj të shoqit, duke duruar sëmundjen e tij, varfërinë, udhëtimet dhe mungesat.

Teksa dergjej në shtrat, Dostojevski i pëshpëriti në vesh: “Nuk të kam tradhtuar as edhe me mendime”.

E pra vetëm pasi lexon thjesht një paragraf libri të këtyre shkrimtarëve të mëdhenj, kupton mirë në çfarë lemerie po shkojmë… e si po degradohen e po kalben marrëdhëniet njerëzore.