Altin Sh. Kajtazi: ZANI YT

Zani yt holloi retë deri sa m’lagen

shëndetshëm barit dhe mua

kjo freski n’gjoks m’dridh e s’ndalet

si flakë e kuqe pikëlon prej qiellit

pastër zbret, tretet n’dritën e vet!

Zani yt shpon bjeshkët anë përtej

i la t’gjallët t’flasin pa frymë

kush s’u k’thy për dashni

s’ka për t’puth as qiellin

që vëzhgon e s’preket!

Zani yt shkund gjethet, kodrën ma t’naltë

pastroi dhimbjen

trupin ka më prek dheun

shpirti qiejt si një flutur

n’maje të një shpate!

14.01.2022