Mimoza Bici: Zemra ime…

E urren,

ikën e tradhëton

Vdes nëse dhe një herë t’mos e shtrish mbi shtrat

E dashuron e prapë e lëndon…

Asgjë s’ka ndodhur zemër

Kur të ikësh e më nuk mundesh të kthehesh s’ka se si

Ishe thjesht kacavjerrës

argëtim

I mjeri ti

s’do të doja të ishe ti

Nuk ikje se deshe ti

Nuk vije se deshe ti

Një grua që i përket qiellit

mos dashuro!

Lëre të bëhet flutur

Tundimin e saj mos provoko

Ka krahë ëndrre

lehtshëm të shkatërron.

I mjeri ti

Lëre të bëhet diell

ka rreze të arta

tek tjetra lehtshëm të çon

porse tashmë si një demon

I mjeri ti…

Një grua që i përket qiellit

mos dashuro!