Sadik Bejko: Rend ta kap jetën

Vështirë se e arrij jetën time.

m’i shpërthen kocka e deje.

bëj ta kap në njërin breg,

e shoh në tjetrin para meje.

As me vrap s’e arrij jetën time.

Një ujk i egër jam, bari kopeje,

sa i shoh delet te ky breg,

Kanë marrë hov në tjetrin, tej meje.

Një kokër rëre më lartohet breg

ma ngre kurthin e verbër.

Rrëzuar rrafsh në sy kam barin

ta arrij… në ditën tjetër.

Hov si era ta rrok fort jetën.

Në zarf më vjen hënë e sëmurë

dhëmbët shtrëngoj edhe shpatullat,

ura jam unë, jeta rrjedh lumë.

Luftoj ta rrok paq jetën time

dhe zgjuar, edhe në fjetje.

Në bregun tej flur atë e shoh

gjithmonë ia mbrrin para meje.