Kryeministri Albin Kurti ka falënderuar Gjermaninë për njohjen e patentë shoferëve të Kosovës.

Kurti ka shkruar në Twitter se votimi për njohjen e patentë shoferëve shfaq besimin në autoritetet e Kosovës nga ana e shtetit gjerman.

“Lajme të mirë për qytetarët tanë në Gjermani. Sot Këshilli Federal Gjerman ka votuar pro njohjes së patent shoferëve të Kosovës, duke shfaqur besimin e plotë në autoritetet kompetente të Kosovës”, ka shkruar Kurti.