Kryeministri britanik: Putin do ketë fatin e Millosheviçit, mos harroni si vdiq!

Kryeministri i Britanisë së Madhe, Boris Johnson ka paralajmëruar se presidenti rus, Vladimir Putin mund të përballet me krime lufte për pushtimin e Ukrainës.

Gjatë fjalës në Parlament, ai tha se “çdokush që dërgon rusë në betejë për të vrarë ukrainas të pafajshëm” duhet të çohet para gjykatës.

Johnson tha se Mbretëria e Bashkuar po punon me aleatët për ta çuar çështjen në Gjykatën Ndërkombëtare të Luftës për të gjykuar personat e përfshirë në luftë.

Kryeministri britanik gjithashtu e krahasoi rastin e sulmit mbi Ukrainë me luftën në Kosovë.

Ai kujtoi në përfundim të fjalës së tij, fundin e Sllobodan Millosheviç, i cili vdiq gjatë gjykimit në Hagë.

Kyeministri britanik thotë në këtë video të titruar nga Euronews se Putin do ketë fatin e Milosheviçit dhe se po bën të njejtin agresion që Millosheviç bëri ndaj Kosovës.