Mimoza Bici: Më duaj tani i dashur…

Lumturia

lisharse shtrënguar

dhimbjes së pashmangshme

Dashuria

mrekullia e parë dhe e fundit

Burrë…Demon plogështuar vetmisë

“vjedhës” magjik përfytyrimi mbi

ngjyra, tinguj

veshur në trup gruaje.

Më prek tani i dashur

Fëmijët shpikin shumë lojra

janë sa të zgjuar aq dhe të frikshëm

Rriten lisharses pa ndalim

mbeten po fëmijë

dhe pse në zhvillim.

Më duaj tani i dashur

sa je rritur pak më shumë

aq shumë sa pafuqia epshtore të ka poshtëruar vdekjen

e lutesh të të marr o i marrë

se kaq sa tani

nuk ke dashuruar kurrë.

Moj grua… lind vdekjen a ëndrrën e një burri për të të dashuruar!