Dy javë luftë, 6000 ushtarë rusë të vrarë

Lufta ka kostot e saj të mëdha në njerëz e mjete.

Vlerësimi zyrtar i SHBA-së për numrin e rusëve të vrarë në dy javët e para të luftës është rreth 5,000 deri në 6,000, raporton BBC. Numri i trupave ruse të plagosur vlerësohet të jetë rreth 15,000 deri në 18,000, duke u nisur nga supozimet se shkalla e të plagosurve është zakonisht trefishi i shifrës së të vrarëve.

Por Rusia, megjithëse i pranon humbjet, nuk e pranon këtë shifër. Sipas saj humbjet në njerëz janë disa herë më pak, madje dhjetë fish më pak.

Një zyrtar amerikan që dëshironte të mbetej anonim e quajti këtë projeksion “viktima, shumë, shumë domethënëse” dhe e krahasoi shkallën e vdekjeve me disa beteja të Luftës së Dytë Botërore. Ukraina ka pohuar se 12,000 ushtarë rusë kanë vdekur në luftime. Javën e kaluar Rusia tha se më pak se 500 trupa të saj kishin vdekur në Ukrainë.