Vritet në Ukrainë koloneli rus, Andrei Zakharov

Vritet në front koloneli rus. Andrei Zakharov, komandant i një regjimenti tankesh ruse, u eliminua nga forcat ushtarake në distriktin Brovary të rajonit Kiev.

Ky lajm është bërë i ditur nga mediat ukrainase të cilat shprehen se në rajonin e Kievit, Forcat e Armatosura të Ukrainës likuiduan komandantin e regjimentit të pushtuesit. Sipas komandës së Forcave Tokësore të Forcave të Armatosura, në vitin 2016 Zakharov mori një urdhër “Guximi” nga Putin.

Asokohe, Vladimir Putin shpërndau disa dekorata shtetërore për personelin e shërbimit dhe specialistët e industrisë së mbrojtjes, të cilët u dalluan në kryerjen e misioneve speciale në Republikën Arabe Siriane.