12 eprorë të lartë/Vritet kapiteni i inteligjencës ushtarake ruse

Një kapiten i shërbimeve ruse u vra gjatë një operacioni “tepër sekret” në Ukrainë teksa Vladimir Putin tani ka humbur gjithsej 12 oficerë në pushtim.

Kapiteni i inteligjencës ushtarake GRU, Alexey Glushchak, 31 vjeç, nga Tyumen e Siberisë, vdiq në masakrën në Mariupol, por detajet e vdekjes së tij nuk janë bërë të ditura.

“Për shkak të sekretit të rreptë të operacionit ushtarak, rrethanat e vdekjes së heroit Tyumen nuk zbulohen”, thuhet në një deklaratë.

GRU ishte pas helmimit me novichok (përbërje toksike që përdorej për helmimin e kundërshtarëve të ish-spiunit të saj Sergei Skripal – i cili kishte dezertuar në Britani – në Salisbury.

Mediat kanë publikuar fotografi të ceremonisë mortore të Glushchak në Rusi, ku ai u varros me nderime të plota ushtarake nga një roje nderi.

Ditën që oficeri i inteligjencës ushtarake vdiq, u zbulua ai kishte folur me gruan dhe nënën e tij në Rusi.

Ai i telefonoi për t’i uruar për Ditën Ndërkombëtare të Gruas, por në të njëjtën ditë në mbrëmje mësuan se ai ishte vrarë.

Vdekja e tij përkon me shprehjet e para të zemërimit dhe ankthit për numrin e arkivoleve që tani kthehen në Rusi, edhe pse ata që zyrtarisht pranohen se kanë rënë në Ukrainë shihen si një pjesë e vogël e numrit të përgjithshëm që vlerësimet më të mira sugjerojnë se tani janë shumë, mijëra.

Kapiteni do të dekorohet pas vdekjes.

Moska nuk ka dhënë asnjë total të përditësuar të të vrarëve në luftë dhe ka përmendur vetëm një pjesë të vogël të të rënëve, të cilët përfshijnë disa gjeneralë.

Shumë funerale aktualisht të publikuar në media janë për ushtarët e vrarë në fund të shkurtit.

Rusisë i duhen dy javë ose më shumë për të transportuar trupat e tyre tek të afërmit, shumë prej të cilëve jetojnë në Lindjen e Largët ruse mijëra kilometra larg zonës së përgjakshme të luftës.

Një funeral u mbajt gjithashtu për nëntetarin Danil Novolodsky, 24 vjeç, një gjuajtës i vjetër me një bateri artilerie sulmi ajror.

Atij iu dha Urdhri i Guximit me një dekret të nënshkruar nga Vladimir Putin.

Ai ishte nga Ulan-Ude, kryeqyteti i republikës së Buryatia në Siberi, një rajon kryesisht budist, i cili ka pësuar një numër disproporcional të vdekjeve midis ushtarëve rusë të vrarë në Ukrainë.

Gjithsej 12 komandantë ushtarakë të Putinit janë vrarë në betejë që kur lideri rus filloi pushtimin e Ukrainës.