Avdush Canaj: TRIDHJETË VJET S’IU THA LOTI  

 

Tridhjetë vjet nënës i qau shpirti  

për djalin e vrarë, vëllain tim  

 

Tridhjetë vjet iu dogj zemra   

ju bë shkrumb, të mirës  

 

Mallkoi vrasësit ditë e natë   

me shaminë prej bore   

drejtuar duart lart kah Zoti  

 

Tridhjet vjet s’iu tha loti  

 

Kur  nuk mundi të duroj më   

në prillin e harlisur  

u nis kah qielli  

ta takonte djalin e madh, Alushin  

vëllain tim, bilbilin agimtar  

që e priste te kopshti i parajsës  

 

Dhe më s’u kthye.