Ibrahim Vasjari: Ikin vitet

Ikin e ikin…

Rrjedhë e përjetshme

Furi tallazesh pa prehje, pa cak.

Platiten qeniet e brishta, të tretshme.

Shkumnajë shpirtrash mbi dallgë.

Ikin…

Veç mitra e jetës mbetet,

Përvjedhur derdhjes për në Askund.

As shuhet, as tretet,

Me hallka breznish – zinxhir i pafund.

Mitra mbetet,

Gëlon, vegjeton,

Pllenuar, mbarsur me farëza jete,

Mbërthyer mbi tokë,

Me mite e gurë varresh lidhur fort.