Lulzim Tafa: 3500 tituj të rinj librash, dhuratë nga miqtë tanë frankofonë

Sot në zyrën time ishte miku ynë, deputeti nga kantoni i Gjenevës Z. Eric Leyvraz, i cili për dy mandate ka qenë edhe President i Parlamentit të Gjenevës.

Z. Leyvraz na dhuroi 3500 tituj librash në gjuhën frënge, të cila libra ai i ka mbledhur nga bibliotekat personale të shkrimtarëve, artistëve, shkencëtarëve e studiuesve frankofonë, për bibliotekën tonë.

Shumicën e këtyre librave do t’i vendosim në bibliotekë, kurse një pjesë të tyre edhe në këndin e frakofonisë i cili është i vendosur në ambientet tona.

Librat do të jenë në përdorim të lirë për gjithë komunitetin frankofon të vendit tonë.

Dëshiroj të bëj një falënderim të veçantë për Z. Tahir Shabani, Ambasadorin e mirëfilltë të vendit tonë në botë.