Suksesi i radhës i Oriola Marashit! Modelja shfaqet në billboard në Venecia: Puna e vështirë…
PANORAMA PLUS/ Ky vit padyshim është i Oriola Marashit. Supermodelja shqiptare po shënon një sukses të madh në fushën e modelingut.
Ajo prej vitesh është bërë imazh i ‘Guess’, ndërkohë që ka bërë arritje të madhe edhe jashtë trojeve shqiptare.
Kjo ngjarje ka shkaktuar emocion tek modelja e cila në një jaht, ka pozuar me imazhin e saj në sfond.
“12 orë në Venecia. O Zoti im, nuk mund ta përshkruaj ndjenjën që kam kur shoh veten në këto billborde të mëdha. Gjithçka që më duhet të them është se puna e vështirë shpërblehet, por duhet të jesh shumë me fat për të kapur momentin”, u shpreh Marashi.
“Jam shumë e lumtur që pata mundësinë të provoj veten se gjithçka është e mundur kur e ëndërron! Faleminderit Zot, faleminderit”,-shkruan Oriola Marashi.
Ju kujtojmë që modelja i dha fund rreth një vit më parë lidhjes së konsoliduar që kishte me futbollistin Eros Grezda. Pas kësaj romance, Oriola nuk ka preferuar të japë për publikun detaje nga jeta e saj personale./16 gusht 2022
