Flamur Hoxha: Dita e një drite të ndezur përjetë në zemrën time!

23 gushti – Dita e përkujtimit te viktimave të regjimeve totalitare, mbetet perjete për mua dita e një dritë të ndezur në zemrën time, jo një ditë e thjeshtë e kujtesës botërore të krimit, terrorit e vuajtjes çnjerëzore.

Në lëkurën e kyqeve dhe të shpirtit ende na dhembin prangat e dhunës e të përbuzjes që shkroi në mua e në ne regjimi i dhunës komuniste.

Si mua, qindra e mijëra njerzve të tjerë jua shkroi e përcaktoi fatin e zi.

Edhe sa dekada duhet të presim që xhelatët e djeshëm e veglat e tyre të bëjnë biznes kriminal me dhimbjen tonë, me poste politike e fonde donatorësh për të lustruar krimet e komunizmit në emër të pajtimit e faljes.

Ne nuk jetojmë me të kaluarën as në të kaluarën, por duhen këputur njëherë e mirë prangat e dukshme e të padukshme në duart tona, në ëndrrat tona.